Teknoskopioa. Ideia-lehiaketa

Zientzia eta teknologiaren astea 2007

INFORMAZIOAREN ETA KOMUNIKAZIOAREN TEKNOLOGIAK

Jarraibideak

Dagoeneko bloga sortua badaukazu, zure bloga kudeatzeko, zure erabiltzaile-izena eta pasahitza sartu behar dituzu; horretarako 'Hasi saioa' egin, eta, orduan, blogaren kudeaketa-eremuan sartuko zara. Bestela, zure bloga sortzeko joan zaitez Sortu atalera. Blog bat kudeatzeak hainbat aukera biltzen ditu. Hona hemen aukerarik ohikoenen inguruko informazioa:

  1. Nola idatzi post bat
  2. Nola txertatu irudi bat post batean
  3. Nola txertatu bideo bat post batean (zure ordenagailutik, Youtube-tik edo bestelako guneetatik)
  4. Nola txertatu audio-fitxategi bat post batean
  5. Nola sortu inkesta bat
  6. Nola kudeatu nire blogeko edukiak
  7. Nola kudeatu nire edukien gaineko iruzkinak
  8. Nola kudeatu nire blogean agertzen den esteka-zerrenda
  9. Nola aldatu nire blogaren itxura
  10. Nola aldatu nire profila
  11. Besterik?

1- Nola idatzi POST bat

Post-ak zure blogean sortuko dituzun berriak edo sarrerak dira. Testuek, irudiek, bideoek, audioek edo bestelako dokumentu baterako loturek era ditzakete post-ak. Post bat idazteko, jo 'Idatzi' atalera, idatzi izenburua eta testua, txertatu nahi beste baliabide osagarri eta, ondoren, gorde eta argitaratu. Handik aurrera, post horretan aldaketarik egin nahi izanez gero, 'Kudeatu' atalean sarrera bera editatu beharko duzu.

2- Nola txertatu irudi bat post batean

'Idatzi' atalean, 'Kargatu' koadroa daukazu horretarako. Urrats hauek egin behar dituzu:

  • Sakatu Arakatu botoia, eta aurkitu zure ordenagailuan igo nahi duzun irudia
  • Irudiaren izena eta deskribapena idatzi
  • Kargatu
  • Editorera bidali

3- Nola txertatu bideo bat post batean (zure ordenagailutik, Youtube-tik edo bestelako guneetatik)

'Idatzi' atalean, editorearen tresna-barrako TB itxurako ikonoa daukazu horretarako ().

Formulario bat zabalduko zaizu orduan, eta hiru aukera dituzula konturatuko zara:

  • Atari ezagunetako bideoak txertatzeko aukera (Youtube, Google Video, Myspace Video, Metacafé, Yahoo Video). Zerrendatutako bideo-atari horietako edozeinetan aurkitu baduzu txertatu nahi duzun bideoa, kopiatu ezazu URLa (http:// .....-rekin hasten den hori; adib: http://es.youtube.com/watch?v=XSSNXvtQ5GI) eta itsats ezazu formularioan. Ondoren, sakatu ezazu igotzeko botoia.
  • Zure ordenagailuan daukazun bideo bat igotzeko aukera. Sakatu 'Arakatu' botoia, hautatu zure ordenagailuko bideo-fitxategia, idatzi izenburua eta deskribapena, eta sakatu igotzeko botoia.
  • Bideo bat haren Interneteko URL helbidearen bidez igotzeko aukera. Bideoa Interneteko guneren batean baldin badago, eta haren loturaren helbidea ikus badezakezu, kopiatu ezazu eta itsatsi bideoaren URLa formularioak horretarako duen espazioan. Ondoren, sakatu igotzeko botoia.

4- Nola txertatu audio-fitxategi bat post batean

Irudiak igotzeko egin behar den modu berean, 'Idatzi' atalean, 'Kargatu' koadroa daukazu horretarako. Urrats hauek egin behar dituzu:

  • Sakatu Arakatu botoia, eta aurkitu zure ordenagailuan igo nahi duzun audio-fitxategia (mp3 fitxategiak soilik igo ahalko dituzue).
  • Idatzi irudiaren izena eta deskribapena
  • Kargatu
  • Bidali editorera

5- Nola sortu inkesta

Atal berezi bat dago inkestak sortzeko nahiz kudeatzeko. Jo 'Inkesta' atalera eta, lehenengo eta behin, 'Aktibatu' inkesta. Behin hori eginda, inkestaren galdera aldatu ahalko duzu, eta, ondoren, erantzun posibleak editatu. Erantzun gehiago edo gutxiago behar badituzu, horiek gehitzeko zein kentzeko aukera duzu.
Amaitzeko, sakatu 'Bidali' botoia, eta kito!

6- Nola kudeatu nire blogeko edukiak

'Kudeatu' atala daukazu horretarako. Taula bat ikusiko duzu hor, eta taularen lerro bakoitzean eduki bat agertuko da. Horietako edozein aldatzeko, sakatu 'Editatu' botoia. Nahi izanez gero, ezabatzeko aukera ere baduzu.

7- Nola kudeatu nire edukien gaineko iruzkinak

'Iruzkinak' atala daukazu horretarako. Zuk zeuk erabakiko duzu zer egin besteek zure edukien inguruan egindako iruzkinekin.

8- Nola kudeatu nire blogean agertzen den esteka-zerrenda

Zure blogaren eskuineko menuan ere informazioa eman dezakezu. Besteak beste, 'Estekak' atala eskainiko duzu hor, eta, horien bidez, lantzen ari zaren gaiarekin lotutako estekak eman ditzakezu.

Estekak gehitu, ezabatu, inportatu edo aldatzeko, jo 'Estekak' atalera. Taula bat ikusiko duzu hor, eta taularen lerro bakoitzean esteka bat agertuko da. Horietako edozein aldatzeko, sakatu 'Editatu' botoia. Nahi izanez gero, ezabatzeko aukera ere baduzu.

9- Nola aldatu nire blogaren itxura

Zure blogaren itxura zertxobait pertsonalizatu nahi izanez gero, jo 'Aurkezpenak' atalera. Eta adi! Izan ere, 'Aukera aurreratuak' baliatuta, goiburuaren irudia alda dezakezu, bai eta zure irudi propioa txertatu ere.
Ez ahaztu 'Aukerak eguneratu' botoia sakatzea.

10- Nola aldatu nire profila

Zure izena, blogaren izena eta helbidea, harremanetarako datuak edo pasahitza aldatu nahi izanez gero, 'Profila' atalera jo behar duzu.

11- Besterik?

Zalantzarik edo galderarik baduzue, hauek dira gurekin harremanetan jartzeko bideak:

TEKNOSKOPIOA ideia-lehiaketa
ELHUYAR FUNDAZIOA
Zelai Haundi, 3. Osinalde industrialdea
20170 Usurbil
tel.: 943 36 30 40
teknoskopioa@elhuyar.com

Blogak

Mezu berrienak

Erantzunak