RSS Jarioak
Internetzalea bazara, seguru asko jakingo duzu RSS jarioak zer diren. Baina RSSak zer diren ez badakizu eta Interneten orduak pasatzen badituzu zure gustuko web guneetan nabigatzen, jakin ezazu denbora mordoa ari zarela alferrik galtzen...
RSSa fitxategi bat besterik ez da, XML kodean idatzia. Eta fitxategi horri esker, informazioa partekatzea oso erraza da eta web gune bateko informazioa beste web gune batera pasa daiteke. Horri sindikazioa deitzen zaio.
Baina zein da horren balio praktikoa? Bada, zure web gune gogokoenetan harpidetu zaitezkeela, eta zuzenean jasoko duzula haietan gehitzen den eduki berri guztia web gunez web gune zer berri dagoen begira ibili beharrik gabe.
Blogen eztandarekin, garrantzi handia hartu dute RSS jarioek. Izan ere, alde batetik, blogak egiteko erabiltzen diren softwareek automatikoki sortzen dituzte RSS jarioak. Eta, bestalde, hainbeste blog egonik, haien jarraipena egiteko oso baliagarriak dira.
RSS jarioen bidez blogen eta bestelako web guneen jarraipena egiteko jario-irakurgailu bat behar da. Jario-irakurgailua zure ordenagailuan eduki dezakezu, edo on line dagoen programa edo aplikazio bat da; eta bertan ikusi ahal izango duzu harpidetuta zauden web guneetan zer berri dagoen.
.jpg)
RSSak, gainera, bidea ireki die podcast-ei eta bideocast-ei ere. Podcast-ak RSS bidez banatzen diren audio-fitxategiak dira. Irratsaio moduko batzuk izan ohi dira, baina irrati batean emititu beharrean RSS bidez banatzen dira. Horrela, zuk nahi duzunean zure ordenagailuan edo mp3-irakurgailuan entzuteko aukera izango duzu.Gainera, programa berri bat dagoenean, zure jario-irakurgailuan ikusi ahal izango duzu. Bideocast-a ere gauza bera da, baina audio-artxiboen ordez, bideo-artxiboekin.
Beraz, badakizu, RSS-jarioak erabiliz leku bakarrean izan dezakezu nahi duzun web gune guztietako azken informazioa.
Hona hemen gaiaren inguruko esteka batzuk:
- RSS zer den eta nola erabili azaltzen duen gida bat (gaztelaniaz): Guía fácil del RSS.
- RSS zer den azaltzen duen bideo bat (ingelesez):
- Jario-irakurgailu batzuk:
- On line: Alesti (euskaraz), Bloglines, Google Reader, Feedness, Rojo
- Ordenagailuan instalatzekoak: FeedReader, RSSBandit, FeedDemon, NetNewsWire, Abilon
- Sindikazioaz eta RSSez hitz egiten duen artikulu bat (euskaraz): "Kontaizu artikulu berria: Sindikazioa, hitz bat, 1.000 erabilpen"
- Podcast-ari buruzko Blogari.net-eko post bat: Zer da podcast bat?
- Podcast-en wiki bat, besteak beste, podcast-en direktorio bat duena: podcast-es
- Teknologia berriei buruzko euskal podcast bat: irratia.com
- BiCimANiatiCoz
- Tecnologias aplicadas al Deporte
¿Que artículo del Blog te ha gustado más? - ¿...))eLeKtRoShOcKa((...¿¿
Zuk uste dezu ordu aldaketarekin energia aurrezten dela? ¿Usted cree que con el cambio de hora se ahorra energia? - Motores en general
¿Motores híbridos, merecen la pena? - Anime
Mezu berrienak
Erantzunak