Interneten iraultza
Interneten nabigatzen ari ginela, bideo honekin egin dugu topo. Begira nola aldatu den mundua! Hori iraultza ez bada, zer da orduan!
Duela 50 urte, jendeak ia ez zekien ordenagailu bat zer zen, eta gaur egun denda, liburutegi, eskola eta lantegi guztietan ikusten dugu bat, gutxienez. Zaila da ulertzea nola bizi zitekeen Google-rik gabe!
Garai bateko industria-iraultzak aldaketa eragin zuen gizartean, baina Internetek ekarritako aldaketa orain artekoekin konparatzerik ez dago, oso oso azkarra izan baita. 1969an 4 unibertsitatetako superordenagailuak elkarri konektatzeko erabili zenetik, 2006an mila milioi erabiltzaile baino gehiago konektatzera igaro da!
IKTek, eta Internetek bereziki, gizarte berri bat sortu dute, eta gizarte berri horren urre preziatua informazioa da. Informazioarekin trafikatzen da. Informazioa duenak du indarra. Sareen sareak informazioa lau haizeetara banatzen du. Istant batean. Denbora errealean. Informazioa trukatzeko aukera ematen du, eta, informazioa trukatzea komunikatzea da. Hizkuntzaren muga geroz eta txikiagoa da (ikus, bestela, opentrad). Ongi etorri informazioaren eta komunikazioaren gizartera!
Baina, adi! Errepide guztietan bezalaxe, honetan ere kontuz ibili behar da. Informazioaren autopistan gida dezake, baita gidari okerrenak ere. Horregatik, kontu handiz ibili behar duzu hartzen duzun informazioarekin. Batzuetan, zabor-mezuak izan daitezke, besterik gabe, propaganda edo publizitate hutsa; baina, beste batzuetan, informazio okerra izan daiteke, kontrastatu gabea, eta, askotan, maltzurra, zuri kalte egiteko sortua. Zaborra zabor, leku guztietan!
Zerbait gehiago jakin nahi baduzu, orri hauek gomendatzen dizkizugu:
- 3 bideo dauzka "the silent revolution" orriak. Lehenengoa originala da, eta ikusten da Internet nola aldatzen ari den gure bizimodua; bigarrena 1993ko bideo bat da, eta bitxia da orduko Interneti buruz hitz egiten entzutea; hirugarrena laburra eta koloretsua da, eta munduko hainbat lekutako irudiak azaltzen dira; gizakion arteko komunikazioari buruz hitz egiten du.
- Azken 24 orduetan munduan izan den datu-fluxua Interneten trafikoari buruzko txostenean neurtzen da. 1-100 bitarteko balio bat ematen zaio: zenbat eta zenbaki handiagoa, orduan eta azkarragoak eta fidagarriagoak izan dira egin diren konexioak.
- IKTak zenbat erabiltzen diren, nortzuek dauzkaten, eta horrelako datuak jakin nahi badituzu, sartu Eustaten orrian. Datu horiek EAEkoak dira soilik.
- Ikus Unibertsitateko lan bat; izenburuak dio gaia zein den: "publizitatea Interneten"
- Microsoft-eko Luis Sánchez-ek sinatzen du gogoetarako artikulu hau: "Internet, revolución y evolución".
- Duela urte batzuk idatzitakoa bada ere, interesgarria da Interneten iraultza ekonomiarekin lotzen duen aldetik: "Internet revolution: a new paradigm or another bubble?"
- Gaian aditua den pertsona baten gogoetak hementxe. Azken 20 urteetan bi iraultza gertatu direla esaten du... "The IP revolution".
- BiCimANiatiCoz
- Tecnologias aplicadas al Deporte
¿Que artículo del Blog te ha gustado más? - ¿...))eLeKtRoShOcKa((...¿¿
Zuk uste dezu ordu aldaketarekin energia aurrezten dela? ¿Usted cree que con el cambio de hora se ahorra energia? - Motores en general
¿Motores híbridos, merecen la pena? - Anime
Mezu berrienak
Erantzunak