|
Nanoskopioa ideia-lehiaketa
Sarrera
Dagoeneko jakingo duzue zerbait gehiago nanoteknologiari
buruz. Izugarria da zenbat aukera ematen dituen, zenbat arlotan
dituen aplikazioak...
Ikertzaile ugari ari dira mundu osoan nanoteknologiaren oinarrizko
legeak ikertzen, eta beste asko ari dira lege horietan oinarrituz
erabili ahal izango ditugun aplikazioak asmatzeko lanean.
Asmatzeko, ordea, lehenengo imajinatu egin behar dugu, posible
den ala ez aztertu baino lehen ideia batetik abiatu behar
dugu.
Hori da, hain zuzen ere, Nanoskopioak proposatzen
dizuen erronka. Ikertzailearena egitea proposatzen dizuegu.
Imajina ezazue nanoteknologian ikertzen ari zareten zientzialariak
zaretela. Ikertzen denbora luzez ibili ondoren, gizartearentzako
abantaila handia izango den asmakuntza aurkitu berri duzue,
eta aurkikuntza horren berri nanoteknologiako biltzar batean
eman behar duzue.
Nanoskopioa ideia-lehiaketak irudimena erabiltzeko ariketa
bat proposatzen dizue: nanoteknologian oinarritutako asmakuntza
bat proposatu behar duzue, etorkizunean erabiltzeko. Proposatzen
duzuen aurkikuntza horrek ez du zertan egiazkoa izan, zuen
imajinazioa izango da sarituko duguna; hori bai, nanoteknologiaren
inguruan daukazuen informazioa erabili behar duzue zuen proposamenak
argudiatzeko. Horretarako, egun dauden aplikazioetan oinarritu
zaitezkete, eta erabilera berriak, eremu berriak imajinatu
eta abar.
Zer aurkeztu behar da?
Poster bat.
Sarreran aipatu dugun bezala, ikertzailetzat
jo behar dituzue zuen buruak. Nanoteknologian ikertzen ari
zareten zientzialariak zarete, eta azken aurkikuntzen berri
emango duen biltzar batean aurkeztu behar duzue zuen ikerketa-taldeak
egin duen azken aurkikuntza. Kongresu horretan poster bat
aurkeztu beharko duzue (kongresu askotan, ikertzaileek posterren
bidez egiten dituzte aurkezpenak, poster batean aurkezten
dute egindako ikerketaren laburpena, eta kongresuko areto
batean zintzilikatzen dira poster horiek. Hala, ikertzaileak
beren posterraren alboan jarri, eta beste ikertzaileen galderei
erantzuten diete).
Eta zein eduki izan behar du poster horrek?
Bada, poster horrek zuek imajinatutako aurkikuntzaren
datuak izan behar ditu; hauek, hain zuzen ere:
- Aurkikuntzaren izena (asma ezazue izen
bat!)
- Ikerketa-taldeko partaideen izenak, ikastetxearen
izena eta herria
- Zer egiten duen zuen aurkikuntzak (zer
abantaila dituen)
- Non aplika daitekeen (zer arlotan erabil
daitekeen: medikuntza, eraikuntza...)
- Irudiak (zuen aurkikuntzaren irudiak edo
marrazkiak txerta ditzakezue. Eta, nondik aterako dituzuen?
Bada, asmatu, imajinatu, zuek egin argazkiak, muntatzeak,
marrazkiak....)
Proiektua edo ideia poster batean bidali beharko
duzue A2 neurrian (42 cm x 59,4 cm). Diseinua librea izango
da neurriak errespetatzen badira. *
* Kontuan eduki behar da poster horiek erakusketa-areto batean
erakusgai egongo direla, eta, hortaz, saiatu behar duzue urrutitik
irakurtzeko moduan idazten, izenburu deigarria jartzen, posterrak
irudiz hornitzen eta letra-tipo handia erabiltzen.
Posterrak euskaraz edo gaztelaniaz aurkez
ditzakezue.
Beheko irudian klikatuta, poster baten adibidea
aurki dezakezue.
Nork har dezake parte?
Nanoskopioa ideia-lehiaketan Batxilergoko
ikasleek eta Lanbide Heziketako ikasleek har dezakete parte.
Ideiak edo proiektuak taldeka aurkeztu behar dira, eta gehienez
4 partaideko ikertzaile-taldeak onartuko dira.
Zer sarituko da?
Aurkikuntzak saritzeko, honako irizpide hauek
hartuko dira kontuan:
- Aurkikuntzak gizarteari ekartzen dion onura
- Originaltasuna
- Argumentazioa sinesgarria izatea. Nanoteknologiaren
kontzeptu oinarrizkoenak ulertzen direla erakutsi behar
da.
- Posterra landua egotea
Jasotzen diren posterren artean aukeraketa
bat egingo da, III. Zientzia eta Teknologiaren
Asteko azaroaren 8ko eta 9ko jardunaldien barruan erakutsiko
dira berariazko erakusketa batean (jardunaldi horietan nanoteknologiako
mundu mailako adituak egongo dira zuen posterrekin batera,
pentsa!!!).
Nanoskopioa ideia-lehiaketako sari nagusia nori eman nanoteknologian
adituak diren ikertzaileek osatutako epaimahai batek erabakiko
du.
Sariak
1. saria: taldekide guztientzako
PDA bana.
Probintzia bakoitzeko lanik onenarentzako
saria: ikasgela osoarentzako egun-
-pasa.
(hiru bisita aukeran:
-
Miramongo Zientzia Museoa eta Gipuzkoako ikerketa-zentro bat,
-
Bilboko Itsas Museoa eta Bizkaiko ikerketa-zentro bat,
-
Gasteizko katedrala eta Arabako ikerketa-zentro bat).
Noizko eta nora bidali behar dira lanak?
Posterrak urriaren 25a
baino lehen bidali behar dira helbide honetara:
NANOSKOPIOA
ELHUYAR FUNDAZIOA
Asteasuain, 14
20170 Usurbil
Gipuzkoa
Edozein zalantza argitu nahi izanez gero,
nahiz
helbide elektronikora idatzi edo telefonoz deitu zenbaki honetara:
943 363040.
|
