Guztira: 10/279 artikulu		Hurrengoak >

Hegazkinak, prezipitazioen eragile? 2010/07/18  
Zientzialariek urteak daramatzate aireko trafikoak prezipitazioetan izan ditzakeen eraginak aztertzen; kontuak zalantza eta espekulazio ugari sortu ditu, gainera. Alde horretatik, ikerketa berri baten datuak argigarriak izan litezke. Hegazkinek kondizio zehatz batzuetan hegan egitean euria edo elurra eragin dezaketela egiaztatu dute.


Gizakion aurreko arbasoak sabana beroan bizi ziren 2010/07/04  
Turkanako arroa (Kenya) sabana berotsua izan da azken lau milioi urteotan gutxienez; lehenbiziko hominidoek zonalde hartan eboluzionatu zuten denbora-tartean ere bai, beraz. Ikerketa berri baten ondorio nagusienetako bat da hori. Datuak zerikusi zuzena izan lezake, zientzialarien iritziz, gizakiok zutik ibiltzeko, gorputzeko ile gehiena galtzeko eta izerdi egiteko gaitasuna garatu izanarekin.


"Eko" eta turismoa, bateragarriak? 2010/06/19  
Aurten egingo ditu 20 urte TIESek, Nazioarteko Ekoturismo Elkarteak, eta, haiek emandako datuen arabera, urtetik urtera gero eta turista gehiagok aukeratzen dute era horretako bidaia bat egitea. Ikerketek, baina, erakusten dute oso zaila dela "eko" aurrizkia eta turismoa bateratzea.


Sumendiak, hegazkinak eta dinosauroak 2010/04/24  
Eyjafjallajökull sumendiaren erupzioak krisia sortu du aire-zirkulazioan. Kaosa sekulakoa izan da, bai, baina iraganean ondorio are gogorragoak eragin izan dituzte sumendi-erupzioek. Askoz ere gogorragoak, baita erupzioek eragin izan dituzten hildakoen kopuruak alde batera utzita ere.


Mediterraneoa, gero eta tropikalagoa 2010/04/04  
Inkilino berriak ditu Mediterraneo itsasoak. XX. mendearen erdira arte Mediterraneoan bizi ez ziren 38 arrain-espezie aurkitu dituzte han azkeneko urteetan. Berez klima tropikala duten itsasoetako arrainak dira; eta ez ziren Mediterraneoan bizi, hotzegia zelako hango ura haientzat. Azkenaldian, ordea, epeldu egin da pixka bat.


Erreferentziarik gabe, jira eta buelta 2010/03/21  
Beldurrezko filmetan ohiko gertakaria da protagonistak basoan, basamortuan edo erreferentzia-puntu garbirik hartzerik ez dagoen beste inguruneren batean galtzea. Aurrera eta aurrera egiten dute, handik aterako direlakoan, eta, halako batean, lehenago haiek utzitako oin-arrastoekin egiten dute topo. Orduan ohartzen dira ez dutela aurrera egin, eta biribilki ibili direla.


Itsas maila eta izotza, elkarren eskutik 2010/03/14  
Lurra hoztu eta berotu egiten da, zikloka. Urte batzuetan, Lurraren batez besteko tenperatura baxua izaten da, poloetako izotza hedatu egiten da, eta inguruan duen guztia “harrapatu” egiten du. Beste urte batzuetan, berriz, kontrakoa gertatzen da: batez besteko tenperatura altuagoa izaten da, eta izotzak atzera egiten du, poloetara. Kontuan hartzeko moduko gorabeherak dira batzuk eta besteak. Izan ere, tenperatura-aldaketa horiek izotzaren hedatzea eta atzeratzea eragiten dute. Itsas mailaren gorabeheren erantzuleak dira, besteak beste.


Batzuek fama, eta besteek izana 2010/02/07  
Harrapari handiak, hala nola otso iberiarrak, berriz ere ugaritzen ari dira pixkanaka gure inguruan, eta, oro har, herrialde industrializatuetan. Horrek egonezina sorrarazi die abeltzainei, ustez beren ardiak arrisku handiagoan egon daitezkeelako. Baina orain dela gutxi Animal Conservation aldizkarian argitaratu duten artikulu baten arabera, otso europarrak, hein handi batean, orkatzez eta basurdeez elikatzen dira, eta, ardiez, kasuen % 3an besterik ez.


2009an zientzian aditutakoak 2010/01/17  
A gripea eta Ardi, Etiopian aurkitutako 4,4 milioi urteko eskeletoa. Horiek dira Nature eta Science aldizkarientzat, hurrenez hurren, 2009ko albisterik nabarmenenak.


Harri ibiltarien gaia ez da hainbesterainoko misterioa 2010/01/10  
Estatu Batuetan, Kalifornia eta Nevada estatuen artean, Death Valley dago, Heriotzaren Harana edo, Mojave basamortuaren bihotzean. Izenak berak adierazten duen bezala, kondizioak oso-oso gogorrak dira han bizidunentzat. Eta, dirudienez, harriek ere korrika atera nahi izaten dute handik. Hain zuzen, inork ukitu gabe batetik bestera mugitzen diren harriak daude han, Racetrack Playa deritzon eskualdean.

Guztira: 10/279 artikulu		Hurrengoak >