Guztira: 10/365 artikulu		Hurrengoak >

Robot "idealaren" bila 2010/08/08  
Jakina da robotak diseinatzeko eta egiteko teknikak etengabe ari direla garatzen. Eta, oraingoan, robotikan “oinarrizkoa eta garrantzitsua” izan litekeen beste urrats bat eman nahian dabilela jakinarazi du AEBko ikertzaile-talde batek. Modu eraginkor batean ibili eta korrika egiteko gai den robota sortzea eta prozesu horretan ahalik eta energia gutxien xahutzea da xede nagusia.


Itsuentzako autoa, utopiatik errealitatera? 2010/08/01  
Etorkizun batean, badirudi itsu izatea edo ikusmen txarra izatea ez dela auto bat gidatzeko oztopo izango. Orain arte askorentzat amets huts bat zen hori errealitate bihurtzeko erronkari tinko heldu diote, besteak beste, AEBko hainbat ikertzailek. Aurreikuspenak beteko balira, baliteke itsuek modu independientean gidatu ahal izango luketen lehenbiziko ibilgailua datorren urterako prest izatea.


Mundu osoko itsas trafikoa kontrolatu nahian 2010/07/31  
Berriki, Europako Espazio Agentziaren (ESA) Columbus moduluak “COLAIS” izeneko esperimentu berri bati eman dio hasiera. Nazioarteko Espazio Estazioak (ISS) Lurraren inguruan orbitatzen jarraitzen duen bitartean espaziotik mundu osoko itsasontzien trafikoari segimendua egiteko erronkari ere heldu dio oraingoan. Lortutako lehenbiziko emaitzekin pozarren agertu dira sustatzaileak.


Etxeko ordenagailuak, zientzia-ikerketen zerbitzura 2010/07/25  
Bazenekien etxeko ordenagailua zientziaren zerbitzura jartzeko aukera duzula? Bada, nahi duen orok, internetera konektatze hutsarekin, minbiziaren aurkako botikak bilatu, energia-iturri berriak aztertu edo etorkizuneko disko gogorren oinarriak ezartzen lagundu dezake. Nola? PCen kalkulu-gaitasuna “maileguan” utzita, ikerketa-prozesuak arintze aldera.


Hegazkinak, prezipitazioen eragile? 2010/07/18  
Zientzialariek urteak daramatzate aireko trafikoak prezipitazioetan izan ditzakeen eraginak aztertzen; kontuak zalantza eta espekulazio ugari sortu ditu, gainera. Alde horretatik, ikerketa berri baten datuak argigarriak izan litezke. Hegazkinek kondizio zehatz batzuetan hegan egitean euria edo elurra eragin dezaketela egiaztatu dute.


Arrain-multzoak, lider robotiko bati segika 2010/06/20  
Arrainek jakingo al lukete haien taldera gerturatu den arrain artifizial bat bereizten? Ez beti, antza denez. New Yorkeko Unibertsitateko Institutu Politeknikoko ikertzaileak arrain-robot igerilari bat garatzen dabiltza. Arrain-multzo batean “infiltratu” eta une jakin batean talde osoaren gidaritza ere har lezakeen gailua sortzea da haien helburua.


Venter ez da Frankenstein doktorea 2010/06/05  
Komunikabide batzuetan kontrakoa agertu bada ere, Craig Venterrek ez du bizi artifiziala sortu. Beraz, ez da zilegi Frankenstein doktorearekin parekatzea, nahiz eta Venterrek, seguru asko, gustura hartuko zukeen ezizen hori.


“Mihi elektronikoa” eta metal astunak 2010/05/30  
Imajina ditzakegun tresna analitikorik perfektuenak gure zentzumenak dira. Begiak itxita izan arren, adibidez, badakigu laranja-zukua edaten ari garela, eta zukua naturala edo botilakoa den ere bereiz dezakegu kasu askotan. Baina, zer zapore dute metal astunek? Bada, hori argitzera dator Madrilgo Unibertsitate Autonomoko ikertzaileek sortu duten “mihi elektronikoa”.


Hiltegirik gabeko etorkizuna? 2010/05/22  
Urrun ikusten dugun arren, laborategian hazitako haragia jadanik ez da zientzia-fikzioa. Animaliarik hil gabe, elikagaia sortu eta industrian ekoizteko metodoak badaude. Aurreikuspen teknologikoak beteko balira, hamar urte baino lehenago hanburgesa “berde” bat izan genezake gure platerean.


Eskuetako bakterioak, hatz-markak bezain salatari 2010/05/16  
Azkenaldian, lehen erabat ezezaguna zitzaigun polizia zientifikoaren mundura hurbiltzeko aukera eskaini digute hainbat telesailek, eta laster jabetu gara krimen edo hilketak argitzeko auzitegiko tekniken garapen harrigarriaz. Hatz-markak edo DNA molekulak ikertzeko bide eraginkorrak ezagutzen ditugu jadanik, fikzioan zein errealitatean, baina badirudi pertsona bat identifikatzeko horiek bezain zehatza izan litekeen beste metodorik ere badela. Gure eskuek edozein gauza ukitzen dutenean uzten dituzten bakterio-arrastoei begira daude zientzialariak.

Guztira: 10/365 artikulu		Hurrengoak >