Guztira: 10/41 artikulu		Hurrengoak >

Etxeko ordenagailuak, zientzia-ikerketen zerbitzura 2010/07/25  
Bazenekien etxeko ordenagailua zientziaren zerbitzura jartzeko aukera duzula? Bada, nahi duen orok, internetera konektatze hutsarekin, minbiziaren aurkako botikak bilatu, energia-iturri berriak aztertu edo etorkizuneko disko gogorren oinarriak ezartzen lagundu dezake. Nola? PCen kalkulu-gaitasuna “maileguan” utzita, ikerketa-prozesuak arintze aldera.


Haurtxoen “kalkuluak” 2010/07/11  
Hitz egiten ikasi ez badute ere bederatzi hilabete baino ez dituzten haurtxoek “kalkuluak egiteko” gaitasuna badutela egiaztatu du ikerketa berri batek. Kopuru, espazio eta denboraren inguruko informazioa antolatu egiten dute nonbait haiek ere, orain arte uste zena baino goizago, eta modu konplexuago batean, gainera.


Pitagorasen txokolatea 2010/05/02  
Askok eta askok gorroto dituzte matematikak, batik bat nerabezaroan edo eskola-garaian. Dena den, matematikak ez dira, askok hala uste badute ere, eguneko errealitatetik urrun dagoen mundu bat, egunerokotasunean aplikatzen den zientzia baizik. Edozein arlotan, gainera. Berriki, txokolate-industrian aplikatu dute, pentsa!


Labezomorro kaotikoa 2010/02/14  
Labezomorroa intsektu ilun eta nazkagarria dela esango dizue askok. Baina, beste gauza askotan bezala, zein begirekin begiratzen dugun da kontua. Izan ere, zenbaitetan txundigarria ere suerta liteke. Kasu honetan bezala. Animalia horren abileziak aintzat hartuta eta kaosaren teorian oinarrituta, labezomorro baten itxura duen robot bat garatu dute Alemaniako zenbait ikertzailek. AMOS izena jarri diote robotari.


Berdintasunaren araua pizza batean 2010/01/24  
Demagun beste lagun batekin joan zarela pizza bat jatera. Zerbitzariak eman dizuenean, ohartu zarete mozketak ez daudela zentratuta, eta, hortaz, zati batzuk besteak baino handiagoak direla. Bada, jakizu horrelakoetan, batzuetan, badagoela aukera biok pizza-kantitate bera jateko, baina beste batzuetan ezinezkoa dela.


d'Hondt-en legea hauteskundeetan 2009/07/05  
EAEko hauteskundeak izan genituen martxoan, eta Europako Legebiltzarrerako hauteskundeak izan ditugu orain, ekainean. Hauteskunde-urtea izan dugu aurtengoa. Baina, badakizue nola kalkulatzen den Legebiltzarreko eserlekuen banaketa hauteskundeen ondoren? Zein da alderdi politiko bati eserleku gehiago edo gutxiago ematen dizkion formula? Ez zaigu gaizki etorriko d'Hondt-en legea ezagutzea edo gogoraraztea.


Jira eta buelta Rubiken kuboekin 2009/06/14  
Aurpegi bakoitzean 9 kubotxo dituen kuboa da ezagunena, baina kubotxo gehiagokoak eta gutxiagokoak ere badaude, baita beste hainbat formatakoak ere. Kuboaren alde bakoitzean kolore bakarra lortzea da helburua. Zergatik da, baina, hain zaila? Bada, alde bakoitzean bederatzi kubotxo dituen kuboaren kasuan, 26 kubotxo mugikor daudelako denera, eta sortzen duten konbinazio-kopurua izugarria delako. Guztira, 43 trilioi mugimendu baino gehiago egin daitezke; bai, 43 zenbakiaren atzean beste 18 zifra dituen zenbakia, alajaina!


100 metroko probaren iragarpen matematikoa 2009/01/04  
Izan diren azken Joko Olinpikoetan, munduko errekor asko hautsi dituzte. Horietako bat izan da gizonezkoen 100 metroko proban Usain Boltek lortutako marka: 9,69 segundo. Marka hori 9,70 segundoetatik jaitsi duen lehena izan da Bolt. Baina ez hori bakarrik; matematikarien iragarpenak ere hautsi ditu korrikalariak: jamaikarrak lortutako denbora ez zuten 2030. urtera arte espero.


Tximeletak eta kaosa 2008/04/30  
Batzuek kontrakoarekin sinetsita daude, baina, gaur-gaurkoz, matematikak eta fisikak garbi esaten dute: ezinezkoa da eguraldia epe luzera iragartzea, sistema kaotiko baten ondorio delako.


Estralurtarren bila, alferrik 2008/04/26  
Britainia Handiko East Anglia-ko Unibertsitateko Andrew Watson ikertzailearena da artikulua, eta, haren esanean, Lurraren antzeko planeta batean bizi adimenduna sortzeko aukera oso da txikia, zehazki, % 0,01 baino txikiagoa.

Guztira: 10/41 artikulu		Hurrengoak >