Guztira: 10/2049 artikulu		Hurrengoak >

Kaligrafia, parkinsona hautemateko 2010/08/29  
Norberaren idazkerak hitzak baino harago doazen irakurketak izan ditzake. Analisi grafologikoek idazlearen nortasunaren berri ematen dutela, adibidez, jakina da. Albiste berria da, ordea, kaligrafia Parkinsonen gaixotasuna hautemateko tresna ere izan litekeela. Teknologia berriekin uztartuta, diagnostiko “goiztiarra” egitea ahalbidetuko lukeela diote hainbat herrialdetako ikertzaileek.


Ilearen memoria 2010/08/22  
“Jaten eta edaten duguna gara”. Eta, AEBko ikertzaile-talde batek egiaztatu duenez, hori guztia erregistratuta gelditzen da norberaren ilean. Pertsona baten ilearen konposizio kimikoa aztertuta, besteak beste, haren mugimendu geografikoen berri izan daitekeela dio taldeak. Dirudienez, hain zuzen, herrialde jakin bateko edariaren arrastoak ilean aurkitu daitezke.


Ezkutuko intentzioak, garuneko irudietan 2010/08/15  
Zerbait egingo dugula esateak ez du esan nahi benetan egingo dugunik. Eta, batzuetan, norberak pentsatu eta adierazi dezakeena baino “fidagarriagoak” omen dira zenbait irudi. Erresonantzia magnetiko bidezko irudigintza funtzionalak garunaren jarduerari buruzko informazio baliotsua ematen du. Dirudienez, pertsona baten portaera aurresaten lagun dezake, eta subjektuak berak baino akats gutxiago egiten ei ditu alde horretatik.


Robot "idealaren" bila 2010/08/08  
Jakina da robotak diseinatzeko eta egiteko teknikak etengabe ari direla garatzen. Eta, oraingoan, robotikan “oinarrizkoa eta garrantzitsua” izan litekeen beste urrats bat eman nahian dabilela jakinarazi du AEBko ikertzaile-talde batek. Modu eraginkor batean ibili eta korrika egiteko gai den robota sortzea eta prozesu horretan ahalik eta energia gutxien xahutzea da xede nagusia.


Itsuentzako autoa, utopiatik errealitatera? 2010/08/01  
Etorkizun batean, badirudi itsu izatea edo ikusmen txarra izatea ez dela auto bat gidatzeko oztopo izango. Orain arte askorentzat amets huts bat zen hori errealitate bihurtzeko erronkari tinko heldu diote, besteak beste, AEBko hainbat ikertzailek. Aurreikuspenak beteko balira, baliteke itsuek modu independientean gidatu ahal izango luketen lehenbiziko ibilgailua datorren urterako prest izatea.


Mundu osoko itsas trafikoa kontrolatu nahian 2010/07/31  
Berriki, Europako Espazio Agentziaren (ESA) Columbus moduluak “COLAIS” izeneko esperimentu berri bati eman dio hasiera. Nazioarteko Espazio Estazioak (ISS) Lurraren inguruan orbitatzen jarraitzen duen bitartean espaziotik mundu osoko itsasontzien trafikoari segimendua egiteko erronkari ere heldu dio oraingoan. Lortutako lehenbiziko emaitzekin pozarren agertu dira sustatzaileak.


Zelulak koraza jantzita, hiesetik babesteko 2010/07/30  
GIBaren aurrean zelulak babesteko modu erabat berria garatu dute Biofisika Unitateko zuzendari Felix Goñik gidatutako ikerketa batean. Haien hitzetan, zelulei koraza bat janztea lortu dute.Hain zuzen ere, GIBak zeluletara sartzeko erabiltzen duen estrategia oztopatzean oinarritu dira ikertzaileak.


Etxeko ordenagailuak, zientzia-ikerketen zerbitzura 2010/07/25  
Bazenekien etxeko ordenagailua zientziaren zerbitzura jartzeko aukera duzula? Bada, nahi duen orok, internetera konektatze hutsarekin, minbiziaren aurkako botikak bilatu, energia-iturri berriak aztertu edo etorkizuneko disko gogorren oinarriak ezartzen lagundu dezake. Nola? PCen kalkulu-gaitasuna “maileguan” utzita, ikerketa-prozesuak arintze aldera.


Hegazkinak, prezipitazioen eragile? 2010/07/18  
Zientzialariek urteak daramatzate aireko trafikoak prezipitazioetan izan ditzakeen eraginak aztertzen; kontuak zalantza eta espekulazio ugari sortu ditu, gainera. Alde horretatik, ikerketa berri baten datuak argigarriak izan litezke. Hegazkinek kondizio zehatz batzuetan hegan egitean euria edo elurra eragin dezaketela egiaztatu dute.


Haur potolotik heldu gizenera 2010/07/17  
Britainia Handian haurren osasunaz arduratzen den erakunde batek emaitza harrigarri bat eman du argitara: haurren gizentasuna ez da kirol edo ariketa fisikoaren gabeziaren ondorio. Egiaztatu dute erlazioa alderantzizkoa dela; hau da, haur gizenek ez dute ariketa fisikorik egiten, gizenak daudelako.

Guztira: 10/2049 artikulu		Hurrengoak >